UEFA rasmiy saytida 2014/15-yilgi mavsumning eng yaxshi goli uchun o‘tkazilgan so‘rovnoma yakunlandi, deb xabar qiladi “Championat.com”.
“Barselona” hujumchisi Lionel Messining Yevropa Chempionlar Ligasi yarim finalining “Bavariya”ga (3:0) qarshi dastlabki o‘yinidagi goli birinchi o‘rinni egalladi. Messi Jerom Boatengni aldab o‘tib, Manuel Noyer darvozasini ishg‘ol etgan edi. Ushbu gol uchun ovoz beruvchilarning 39 foizi (199 190 kishi) ovoz berdi.
“Real” hujumchisi Krishtianu Ronalduning guruh bosqichida “Enfild”da “Liverpul”ga kiritgan goli ikkinchi o‘rinni oldi (24 %). Uchinchi o‘rinni “Arsenal” yarim himoyachisi Aaron Remsining guruh bosqichida “Galatasaroy”ga urgan goli egalladi.
Izoh (0)