Mamlakatning birinchi raqamli tennis malikasi Nigina Abduraimova Nyu-York shahrida o‘tkazilayotgan yilning to‘rtta nufuzli turniridan biri, “Katta Dubulg‘a” turkumiga kiruvchi AQSh Ochiq chempionatining saralash bahslaridagi ishtirokini yakunladi. Bu haqda “Olamsport.com” xabar beradi.
Iste’dodli tennischi ikkinchi davrada ukrainalik Marina Zanevskayaga qarshi kortga chiqdi. Taqqoslash uchun, Nigina dunyo reytingida 175, Zanevskaya esa 141-pog‘onadan joy olgandi.
Uchrashuvda o‘zbekistonlik tennischi raqibasiga 3:6, 4:6 hisobida imkoniyatni boy berib qo‘ydi.
Izoh (0)