Germaniyaning Vuppertal shahrida istiqomat qiluvchi 87 yoshli pensioner bir soatda boyib ketishi mumkin edi, biroq yaxshi tarbiya ko‘rgani va tug‘ma halolligi bunga “xalal berdi”. Bu haqda “Vesti.ru” xabar bermoqda.
Ismi oshkor etilmayotgan erkak chiqindi konteyneridan topshirish uchun shisha idish qidirayotgan vaqti 12 ming yevro topib oldi. Olmon bu pullarni o‘zida qoldirmaslikka qaror qildi.
“Men topilmani zudlik bilan politsiyaga olib borishga qaror qildim”, — deydi shisha yig‘uvchi pensioner. Vuppertal politsiyasi vakillari ularning ostonasida qo‘lida pul to‘la uch konvert bilan juldur pensioner paydo bo‘lganida hayratdan yoqa ushlagan.
Hozirgi vaqtda tartib posbonlari pul to‘la konvertlar qanday qilib chiqindilar orasiga tushib qolgani ustida izlanmoqda.
Izoh (0)