Avstriya politsiyasi Noyzidl va Parn shaharlari oralig‘idagi A4 trassasi bo‘ylab harakatlanayotgan yuk mashinasi ichida bo‘g‘ilishdan vafot etgan taxminan 50 nafar qochoqning jasadini topdi. Bu haqda “RIA Novosti” xabar bermoqda.
OAV ma’lumotlariga ko‘ra, Avstriya huquqni muhofaza qilish organlari 27-avgust, payshanba kuni muhojirlarni noqonuniy olib o‘tish bilan shug‘ullanuvchi uch kishini hibsga olgan. Ulardan biri Quyi Avstriyaning Bruk-an-der-Lyayte tumanidagi chegaradan 34 qochoqni avtofurgonda olib o‘tganini tan olgan.
Yevropa Ittifoqining Frontex chegara agentligi ma’lumotlariga ko‘ra, 2015-yil boshidan beri Yevroittifoq hududiga 340 ming muhojir kelgan. Ekspertlarning fikricha, qit’aning bir qator mamlakatlarida kuzatilayotgan noqonuniy muhojirlar bilan bog‘liq vaziyat Ikkinchi jahon urushidan beri aholi ko‘chishiga daxldor eng yomon inqirozdir.
Izoh (0)