Германиянинг Вупперталь шаҳрида истиқомат қилувчи 87 ёшли пенсионер бир соатда бойиб кетиши мумкин эди, бироқ яхши тарбия кўргани ва туғма ҳалоллиги бунга «халал берди». Бу ҳақда «Vesti.ru» хабар бермоқда.
Исми ошкор этилмаётган эркак чиқинди контейнеридан топшириш учун шиша идиш қидираётган вақти 12 минг евро топиб олди. Олмон бу пулларни ўзида қолдирмасликка қарор қилди.
«Мен топилмани зудлик билан полицияга олиб боришга қарор қилдим», — дейди шиша йиғувчи пенсионер. Вупперталь полицияси вакиллари уларнинг остонасида қўлида пул тўла уч конверт билан жулдур пенсионер пайдо бўлганида ҳайратдан ёқа ушлаган.
Ҳозирги вақтда тартиб посбонлари пул тўла конвертлар қандай қилиб чиқиндилар орасига тушиб қолгани устида изланмоқда.
Изоҳ (0)