NASA rossiyalik kosmonavtlarning ochiq kosmosga chiqishini to‘g‘ridan-to‘g‘ri translyatsiya qiladi

NASA Rossiyalik kosmonavtlarning Xalqaro kosmik stansiya bortidan ochiq kosmosga chiqishini to‘g‘ridan-to‘g‘ri onlayn translyatsiya qiladi, bu haqda agentlik saytida xabar beriladi.

Translyatsiya 10-avgust kuni Toshkent vaqti bilan 18:45 da boshlanadi. Taxminan 29 daqiqadan so‘ng 44-ekipaj komandiri Gennadiy Padalka va bort muhandisi Mixail Korniyenko “Pirs” moduli shlyuzini ochib, ochiq kosmosga chiqadi.

6 soat-u 28 daqiqa davomida rossiyaliklar XKSning tashqi yuzasini ko‘zdan kechiradi, “Zvezda” moduli illyuminatorlarini changdan tozalab, yangi tutashtiruvchi radioantenna o‘rnatadi.

Ayni paytda XKSda olti kishi bor, bular uch nafar rossiyalik (Gennadiy Padalka, Oleg Kononenko, Mixail Korniyenko), ikki amerikalik (Skott Kelli va Chell Lindgren) hamda bir yaponiyalik (Kimiya Yui).