BMT Shimoliy va Janubiy Koreya chegarasiga minalar o‘rnatilishi bilan bog‘liq hodisani qoraladi va KXDRni Koreya yarim orolida yarashuv shartlarini buzishda aybladi, deya xabar bermoqda Meduza.
BMT qo‘mondonligidagilar ta’kidlashicha, qurolsizlantirilgan hududda sodir bo‘lib, ikki nafar janubiy koreyalik chegarachiga jarohat yetkazgan portlash tergov qilinishi natijasida minalar yaqinda o‘rnatilgani aniqlandi. Shu tariqa BMTdagilar portlovchi uskunalar Koreya urushi davridan qolgani haqidagi ehtimolni yo‘qqa chiqardi.
KXDRdagilar esa na chegara hududidagi portlash bilan bog‘liq hodisa, na BMT bayonoti yuzasidan fikr bildirganicha yo‘q.
Nashr eslatishicha, 4-avgust kuni ikki nafar janubiy koreyalik chegarachi Janubiy va Shimoliy Koreya o‘rtasidagi qurolsizlantirilgan hududda mina portlashidan zarar ko‘rdi. Ular kasalxonaga yotqizildi, birining ikkala oyog‘i ham, ikkinchisining bitta oyoq kafti kesib tashlandi.
Izoh (0)