Qrimdagi hayvonot bog‘ida arslonlar tashrifchilar ko‘z o‘ngida timsohni yeb qo‘ydi

Qrimning Belogor tumanidagi “Taygan” safari-bog‘ida uchta urg‘ochi sher tashrifchilar ko‘z o‘ngida timsohni yeb qo‘ydi, deya xabar bermoqda “Gazeta.ru”.

Guvohlar aytib berishicha, timsohlar sherlar bilan yonma-yon joylashgan hovuzda yashaydi. Timsohlardan biri hovuzdan chiqishi bilan, unga bir nechta arslon hujum qilib qolgan. Ular timsohni tezgina yeb bitirgan, keyinroq ularga boshqa sherlar ham qo‘shilgan.

Safari-bog‘ direktori Oleg Zubkov ushbu voqea haqiqatda bo‘lib o‘tganini tasdiqladi va bu mutlaq tabiiy hol ekanligini aytdi. “To‘g‘ri, afsuslansa arziydi, timsoh uch ming dollar turadi… Lekin nachora, buni tabiat deb qo‘yishibdi”, — dedi u.