Misrda yangi qurilgan 72 kilometrli Suvaysh kanali bo‘ylab yirik hajmli kemalar sinov tariqasida ilk bor o‘tkazildi. Bu haqda “Korrespondent.net” xabar bermoqda.
24-iyul, juma kuni Kanaldan foydalanish boshqarmasi direktori Muhab Mamish kanal qurilishi bo‘yicha suvosti ishlari yakuniga yetganini e’lon qilgandi.
Kanalning rasmiy ochilishi 6 avgust kuni bo‘lib o‘tadi. Tadbirda Misr prezidenti Abdulfattoh as-Sisiy, shuningdek, 50 mamlakat delegatsiyalari ishtirok etishi ko‘zda tutilgan.
Misr hukumati 2014-yil avgustida 1869-yilda qurilgan Suvaysh kanali bilan yonma-yon yangi kanal qurilishi loyihasini e’lon qilgandi. Mamlakat iqtisodiyotiga ijobiy ta’sir ko‘rsatishi kutilayotgan kanaldan 2023-yilga borib 13,5 milliard dollar miqdorida daromad olish maqsad qilingan.
Izoh (0)