Мисрда янги қурилган 72 километрли Сувайш канали бўйлаб йирик ҳажмли кемалар синов тариқасида илк бор ўтказилди. Бу ҳақда «Корреспондент.net» хабар бермоқда.
24 июль, жума куни Каналдан фойдаланиш бошқармаси директори Муҳаб Мамиш канал қурилиши бўйича сувости ишлари якунига етганини эълон қилганди.
Каналнинг расмий очилиши 6 август куни бўлиб ўтади. Тадбирда Миср президенти Абдулфаттоҳ ас-Сисий, шунингдек, 50 мамлакат делегациялари иштирок этиши кўзда тутилган.
Миср ҳукумати 2014 йил августида 1869 йилда қурилган Сувайш канали билан ёнма-ён янги канал қурилиши лойиҳасини эълон қилганди. Мамлакат иқтисодиётига ижобий таъсир кўрсатиши кутилаётган каналдан 2023 йилга бориб 13,5 миллиард доллар миқдорида даромад олиш мақсад қилинган.
Изоҳ (0)