Chechenistonning Vedenskiy tumanida yuz bergan yo‘l-transport hodisasi oqibatida halok bo‘lganlar xotirasi uchun 23-iyul respublikada motam kuni deb e’lon qilindi. Bu haqda “RIA Novosti” xabar bermoqda.
21-iyul, seshanba kuni oqshomda Dog‘istonning Xasavyurt shahridan kelayotgan “Gazel” mikroavtobusi Vedenskiy tumanida jarga qulagan.
Rasmiy ma’lumotlarga ko‘ra, YTH oqibatida 10 kishi halok bo‘lgan, sakkiz kishi kasalxonaga yotqizilgan. Jarohatlanganlar orasida kichik yoshli bola ham bor.
“Ko‘plab insonlar qurbon bo‘lgani munosabati bilan, men 23-iyulni Chechenistonda motam kuni deb e’lon qilish haqida qaror qabul qildim”, — deb yozdi Checheniston rahbari Ramzon Qodirov Instagram’dagi sahifasida.
Avvalroq Dog‘iston hukumati ham mazkur YTH qurbonlari xotirasi uchun 23-iyulni motam kuni deb e’lon qilgandi. Halok bo‘lganlar Dog‘istonning Andi qishlog‘i vakillari edi.
Izoh (0)