Чеченистоннинг Веденский туманида юз берган йўл-транспорт ҳодисаси оқибатида ҳалок бўлганлар хотираси учун 23 июль республикада мотам куни деб эълон қилинди. Бу ҳақда «РИА Новости» хабар бермоқда.
21 июль, сешанба куни оқшомда Доғистоннинг Хасавюрт шаҳридан келаётган «Газел» микроавтобуси Веденский туманида жарга қулаган.
Расмий маълумотларга кўра, ЙТҲ оқибатида 10 киши ҳалок бўлган, саккиз киши касалхонага ётқизилган. Жароҳатланганлар орасида кичик ёшли бола ҳам бор.
«Кўплаб инсонлар қурбон бўлгани муносабати билан, мен 23 июлни Чеченистонда мотам куни деб эълон қилиш ҳақида қарор қабул қилдим», — деб ёзди Чеченистон раҳбари Рамзон Қодиров Instagram’даги саҳифасида.
Аввалроқ Доғистон ҳукумати ҳам мазкур ЙТҲ қурбонлари хотираси учун 23 июлни мотам куни деб эълон қилганди. Ҳалок бўлганлар Доғистоннинг Анди қишлоғи вакиллари эди.
Изоҳ (0)