Somali armiyasi va Afrika Ittifoqi kuchlarining (AMISOM) 22-iyul kuni tongda Somalining janubiy qismidagi Jungal shahriga amalga oshirgan aviahujumi natijasida kamida 15 kishi halok bo‘ldi. Bu haqda “RIA Novosti” xabar bermoqda.
Qo‘shma operatsiya natijasida Jungal shahriga o‘rnashib olgan radikal kayfiyatdagi “Ash-Shabob” terrorchi guruhi bo‘linmasi tor-mor etildi, jangarilarga tegishli bo‘lgan jangovar mashinalar, qurol-yarog‘ va o‘q-dorilar qo‘lga kiritildi.
“AMISOM va Somali armiyasi oldida turgan keyingi vazifa — “Ash-Shabob” jangarilari besh yildan beri nazorat qilayotgan Bander shahrini egallash”, — deydi Somali armiyasi polkovnigi Abdulla Usmon Isoq.
Eslatib o‘tamiz, Somali qo‘shinlari iyun oyi oxiridan “Ash-Shabob” jangarilarining marralariga aviazarbalar berishni boshladi.
Izoh (0)