Italiya prezidenti Serjo Mattarella hamyurti, astronavt ayol Samanta Kristoforettini “Italiya Respublikasi oldidagi xizmatlari uchun” ordeni bilan taqdirladi. Mamlakatning eng nufuzli mukofotlaridan birini topshirish marosimi Rimdagi prezident saroyida bo‘lib o‘tdi. Bu haqda davlat rahbarining matbuot xizmatiga tayanib, “RIA Novosti” xabar berdi.
Kristoforetti koinotga parvoz qilgan birinchi italiyalik ayol bo‘ldi. Yevropa koinot agentligida (YeKA) undan oldin ikki xonim astronavtlik maqomini qo‘lga kiritgan.
Samanta 2014-yil noyabrida “Soyuz TMA-15M” kemasining bortmuhandisi sifatida Xalqaro koinot stansiyasiga yo‘l oldi. Bu safar davomida u ayollar o‘rtasida koinotda bo‘lish davomiyligi bo‘yicha rekord o‘rnatdi: 199 kun, 16 soat va 42 daqiqa. 11-iyulda Samanta Yerga qaytdi.
Izoh (0)