Jinoyat ishlari bo‘yicha Qohira sudi Misr sobiq prezidenti Muhammad Mursiyga nisbatan sud ishini qaytadan boshladi. “TASS” xabariga ko‘ra, bu safar Mursiy Qatar foydasiga josuslik qilishda ayblanmoqda.
Misrning “Al-Vafd” nashri xabariga ko‘ra, Muhammad Mursiy Misr armiyasi va uning byudjeti haqidagi maxfiy ma’lumotlarni Qatarga taqdim etganlikda ayblanmoqda.
Mazkur ish bo‘yicha Mursiydan tashqari “Musulmon birodarlar” tashkilotining yana 10 a’zosi ham sudlanmoqda. Davlat ayblovchisi mazkur ish bo‘yicha ko‘rsatma berish uchun dastlabki guvohlarni taklif qilgan.
Qayd etish joiz, 2015-yil fevralida ochilgan Qatar foydasiga josuslik bo‘yicha sud ishi bir necha bor qoldirilgan edi.
Izoh (0)