Ukrainaning Odessa viloyati gubernatori Mixail Saakashvili kiyevlik milliarderga tegishli bo‘lgan va beton devor bilan o‘rab olingan Odessa plyajini shahar ahli uchun ochib berdi. Bu haqda “Korrespondent.net” xabar bermoqda.
“Aholining ko‘plab shikoyatlari va faollarning tinimsiz harakatlariga qaramay, mazkur boshboshdoqlik ko‘p yillardan beri, ma’muriy tizimining barcha darajalari ko‘magida davom etib kelmoqda”, — dedi Saakashvili. Plyajning “ochilishi”ga u jurnalistlar va jamoatchilik bilan birga keldi.
“Sizlar hozir eshiklarni yo ko‘ngilli ravishda ochasiz, yoki buldozerlar bularning barini buzib o‘tadi”, — dedi Odessa gubernatori plyaj qo‘riqchilariga murojaat qilarkan. U mazkur ishdagi hamkorlik uchun hududiy ichki ishlar boshqarmasi, favqulodda vaziyatlar boshqarmasi, Odessa meri o‘rinbosari va ko‘ngillilarga minnatdorchilik bildirdi.
Saakashvilining ma’lum qilishicha, u ichki ishlar boshqarmasiga mazkur hodisaga aloqador barcha shaxslarga nisbatan jinoyat ishlarini qo‘zg‘atish va plyajlarning barcha egalarini tekshirib chiqish haqida ko‘rsatma bergan.
Izoh (0)