Nil Armstrongning skafandrini ta’mirlash uchun mablag‘ to‘planmoqda

AQSh aerokoinot muzeyi astronavt Nil Armstrong insoniyat tarixida ilk bor Oyga qo‘nish chog‘ida kiygan skafandrni konservatsiya qilish uchun mablag‘ to‘plashni boshladi. Bu haqda “Korrespondent.net” sayti xabar bermoqda.

Gap shundaki, o‘tgan asrning 60-yillarida skafandrlar uzoq muddat foydalanishni hisobga olmagan holda ishlab chiqilgan, shuning uchun ular bugungi kunga kelib chiriy boshladi.

Pul yig‘ish kampaniyasining muvaffaqiyati asl skafandrni muzeyda namoyish etish imkonini beradi. Hozir ko‘pchilik tomosha qilishi uchun uning nusxasi qo‘yilgan, xolos.

Mablag‘ to‘plash 20-iyul, dushanba, Oyga ilk bor qo‘nilganining 46 yilligi nishonlangan kun boshlandi. Bugungacha talab etiladigan 500 ming dollardan 43 mingi yig‘ildi.