Janubiy Sudanda iyunda boshlangan vabo epidemiyasi qurbonlari soni 39 kishiga yetdi. Bu haqda Jahon sog‘liqni saqlash tashkiloti manbalariga tayanib, Agence France-Presse ma’lum qilgan, deya xabar beradi “RIA Novosti”.
Tashkilot ma’lumotlariga ko‘ra, Janubiy Sudanda 1212 ta vabo bilan kasallanish holati qayd etilgan, bundan 39 tasi o‘lim bilan yakun topdi.Epidemiya mamlakat poytaxti Juba shahridagi 166 mingdan ziyod kishi yashaydigan BMT qochoqlar lagerida boshlangani taxmin qilinmoqda.
Eslatib o‘tamiz, o‘tgan yilgi vabo epidemiyasi mamlakatda 167 kishining umriga zomin bo‘lgan edi.
Izoh (0)