Жиноят ишлари бўйича Қоҳира суди Миср собиқ президенти Муҳаммад Мурсийга нисбатан суд ишини қайтадан бошлади. «ТАСС» хабарига кўра, бу сафар Мурсий Қатар фойдасига жосуслик қилишда айбланмоқда.
Мисрнинг «Ал-Вафд» нашри хабарига кўра, Муҳаммад Мурсий Миср армияси ва унинг бюджети ҳақидаги махфий маълумотларни Қатарга тақдим этганликда айбланмоқда.
Мазкур иш бўйича Мурсийдан ташқари «Мусулмон биродарлар» ташкилотининг яна 10 аъзоси ҳам судланмоқда. Давлат айбловчиси мазкур иш бўйича кўрсатма бериш учун дастлабки гувоҳларни таклиф қилган.
Қайд этиш жоиз, 2015 йил февралида очилган Қатар фойдасига жосуслик бўйича суд иши бир неча бор қолдирилган эди.
Изоҳ (0)