Ukrainaning Odessa viloyati yangi gubernatori va Gruziyaning sobiq prezidenti Mixail Saakashvili Gruziya fuqaroligidan voz kechadi. Bu haqda “Gazeta.ru” xabar bermoqda.
“Mixail Saakashvili Gruziya fuqaroligidan voz kechish jarayonida turibdi”, — dedi Odessa ma’muriyati matbuot xizmati xodimi Denis Samigin.
Avvalroq Saakashvilining o‘rinbosari etib tayinlangan rossiyalik taniqli siyosiy arbob Yegor Gaydarning qizi — Mariya Gaydar Rossiya fuqaroligidan voz kechmoqchi emasligini ma’lum qilgandi.
Ayni vaqtda, Mariya Gaydar “Ukraina qonunlariga rioya etishini” qayd etib o‘tgandi. E’tiborli tomoni, Ukraina konstitutsiyasida Ukraina fuqarosi bir vaqtning o‘zida boshqa mamlakat fuqarosi bo‘lishi mumkin emasligi belgilab qo‘yilgan.
Izoh (0)