Украинанинг Одесса вилояти янги губернатори ва Грузиянинг собиқ президенти Михаил Саакашвили Грузия фуқаролигидан воз кечади. Бу ҳақда «Gazeta.ru» хабар бермоқда.
«Михаил Саакашвили Грузия фуқаролигидан воз кечиш жараёнида турибди», — деди Одесса маъмурияти матбуот хизмати ходими Денис Самигин.
Аввалроқ Саакашвилининг ўринбосари этиб тайинланган россиялик таниқли сиёсий арбоб Егор Гайдарнинг қизи — Мария Гайдар Россия фуқаролигидан воз кечмоқчи эмаслигини маълум қилганди.
Айни вақтда, Мария Гайдар «Украина қонунларига риоя этишини» қайд этиб ўтганди. Эътиборли томони, Украина конституциясида Украина фуқароси бир вақтнинг ўзида бошқа мамлакат фуқароси бўлиши мумкин эмаслиги белгилаб қўйилган.
Изоҳ (0)