Eronning shimolidagi tog‘li hududlarda kuzatilayotgan kuchli yomg‘ir va suv toshqinlari natijasida kamida 28 kishi halok bo‘ldi. Bu haqda “RIA Novosti” xabar bermoqda.
Alborz viloyatidagi suv toshqinlari natijasida kamida sakkiz kishi halok bo‘lgan, 10 kishi jabrlangan, 12 kishi bedarak yo‘qolgan. Xabar berishlaricha, tabiiy ofat 40 dan ortiq avtomobil zarar yetkazgan.
Suv toshqini oqibatida Tehrondan shimoli-g‘arbiy tarafda joylashgan Imomzoda-Dovud manzilgohida 20 kishi halok bo‘lgan, ko‘chki yo‘lni to‘sib qo‘ygani sabab u yerda 2,5 mingga yaqin avtomobil to‘planib qolgani aytilmoqda.
Eronning shimoliy hududlariga 19-iyul, yakshanba kuni kuchli yog‘ingarchilik yopirildi, tabiiy ofat natijasida elektr ta’minotida uzilishlar kuzatilmoqda. Mahalliy ma’muriyat Tehron, Alborz, Qazvin viloyatlarida qurbonlari soni yanada oshishi mumkinligidan xavotirda.
Izoh (0)