Mitsubishi harbiy asirlardan foydalangani uchun kechirim so‘radi

Mitsubishi Yaponiyaning yirik kompaniyalari orasida birinchi bo‘lib Ikkinchi jahon urushi yillarida harbiy asirlar mehnatidan foydalangani uchun kechirim so‘rashga qaror qildi. Kompaniya korxonalarida urush yillari 2041 nafar asir saqlangan oltita lager mahbuslari mehnat qilgan. Bu haqda Meduza xabar bermoqda.

Marosim 19-iyulda Los-Anjelesdagi Simon Vizental markazida bo‘lib o‘tdi. Korporatsiya rahbarlari 1942-yilda asirlikka tushgan 94 yoshli Jeyms Myorfi timsolida barcha sobiq tutqunlarga murojaat etdi.

Eslatib o‘tamiz, Ikkinchi jahon urushi yillarida taxminan 12 ming amerikalik Yaponiyaga majburiy mehnatga jo‘natilgan. Ularning har o‘n nafaridan biri hayotdan ko‘z yumgan.