Bugun, 11-iyul, shanba kuni superog‘ir vazn toifasida WBA chempionlik sovrini uchun boks jangi bo‘lib o‘tadi. “Stadion.uz” xabariga ko‘ra, unda o‘zbekistonlik Ruslan Chagayev italiyalik Franchesko Pianettaga qarshi o‘z kamarini himoya qilishga harakat qilib ko‘radi.
10-iyul kuni har ikkala bokschi o‘rtasida vazn tortish marosimi bo‘lib o‘tdi. Chagayev 111,58 kilogramm tosh bosgan bo‘lsa, raqibi 110 kilogrammni zabt etdi. Jang translyatsiyasi soat 01:00da boshlanadi.
WBA (Regular) versiyasi muvaqqat chempioni Chagayev professional faoliyatida 36 jang o‘tkazib, 33 g‘alaba (22 nokaut), 2 mag‘lubiyat va bir durang qayd etgan.
Italiyalik bokschi esa 33 jangda ringga ko‘tarilgan va uning hisobida 31 g‘alaba (17 nokaut), bittadan durang va mag‘lubiyat bor.
Izoh (0)