PFL intizom qo‘mitasi yig‘ilishida Oliy liga doirasida kechgan bir qator uchrashuvlarda o‘zini tuta olmagan futbolchi va murabbiylarga nisbatan jazo choralari qo‘llanildi. Bu haqda PFL rasmiy saytiga tayanib, “Uff.uz” xabar qilmoqda.
“Dinamo” himoyachisi Nikolay Chipev Oliy liganing 13-turi doirasida “Nasaf”ga qarshi kechgan bahsda yordamchi hakamni haqorat qilgani uchun maydondan chetlatilgan edi. Chipev shuningdek, yana 3 ta o‘yinga chetlatilib, jarimaga tortilgan.
“Neftchi” PFK raisi Tohir Kapadze Oliy liganing 15-turida “Qizilqum”ga qarshi kechgan uchrashuvda o‘zini nomunosib tutgani uchun ikki o‘yinga chetlatildi, ogohlantirildi va jarimaga tortildi.
“Neftchi” yarim himoyachisi Mansur Saidov Oliy liganing 15-turida “Qizilqum”ga qarshi kechgan bahsda zaxiradagi hakamga nisbatan haqoratli so‘zlar ishlatgani uchun zaxira o‘rindig‘idan chetlatilgan edi. Futbolchi uchta o‘yinga chetlatildi va jarimaga tortildi.
“Paxtakor” Oliy liganing 2-turi doirasidagi qoldirilgan uchrashuvda “Qo‘qon-1912”ga qarshi maydonga tushdi va toshkentliklar bosh murabbiyi Samvel Babayan hakamga nisbatan haqoratli so‘zlar ishlatgani uchun jarimaga tortildi va ogohlantirildi.
Izoh (0)