AQShning United Airlines aviakompaniyasi samolyoti kapitani Myunxenga uchib ketayotgani esiga tushib qolganidan so‘ng o‘nlab o‘qlarni dastlab chiqindi qutisiga tashladi, so‘ng samolyot bortidagi unitazga oqizib yubordi. Bu haqda New York Daily News xabar bermoqda.
Qayd etishlaricha, AQShda samolyotning terrorchilar tomonidan qo‘lga olinishi bilan bog‘liq holatlar oldini olish maqsadida uchuvchilarga o‘zi bilan qurol olib yurishga ruxsat beriladi, Germaniyada esa samolyot bortida qurol bo‘lishi qat’iy taqiqlangan.
Aviakompaniya vakillarining ma’lum qilishicha, uchuvchi o‘qlarni oqizib yuborishi shart emasdi, ayni vaqtda, mazkur uchuvchiga nisbatan qandaydir ayblov ilgari surilishi ehtimoli yo‘q.
Kema sardorining ismi oshkor etilmayapti, biroq United Airlines’ning xalqaro reyslariga faqat juda tajribali va uzoq yillik stajga ega mutaxassislar jalb etilishi mumkin.
Xabar berishlaricha, chiqindi qutisidagi o‘qlarni yo‘lovchilardan biri ko‘rib qolgan va bu haqda styuardga xabar bergan. Hodisa joyiga kelgan uchuvchi esa o‘qlarni unitazdan oqizib yuborgan va Germaniya tomonini chiqindi bakida noodatiy buyumlar borligidan ogohlantirgan.
Izoh (0)