АҚШнинг United Airlines авиакомпанияси самолёти капитани Мюнхенга учиб кетаётгани эсига тушиб қолганидан сўнг ўнлаб ўқларни дастлаб чиқинди қутисига ташлади, сўнг самолёт бортидаги унитазга оқизиб юборди. Бу ҳақда New York Daily News хабар бермоқда.
Қайд этишларича, АҚШда самолётнинг террорчилар томонидан қўлга олиниши билан боғлиқ ҳолатлар олдини олиш мақсадида учувчиларга ўзи билан қурол олиб юришга рухсат берилади, Германияда эса самолёт бортида қурол бўлиши қатъий тақиқланган.
Авиакомпания вакилларининг маълум қилишича, учувчи ўқларни оқизиб юбориши шарт эмасди, айни вақтда, мазкур учувчига нисбатан қандайдир айблов илгари сурилиши эҳтимоли йўқ.
Кема сардорининг исми ошкор этилмаяпти, бироқ United Airlines’нинг халқаро рейсларига фақат жуда тажрибали ва узоқ йиллик стажга эга мутахассислар жалб этилиши мумкин.
Хабар беришларича, чиқинди қутисидаги ўқларни йўловчилардан бири кўриб қолган ва бу ҳақда стюардга хабар берган. Ҳодиса жойига келган учувчи эса ўқларни унитаздан оқизиб юборган ва Германия томонини чиқинди бакида ноодатий буюмлар борлигидан огоҳлантирган.
Изоҳ (0)