O‘zbekistonning ikkinchi raqamli tennischisi Oqgul Omonmurodova Germaniyaning Shtutgart-Vayxingen shaharchasida o‘tkazilayotgan turnirdagi ishtirokini muvaffaqiyatli davom ettiryapti. O‘zbekistonlik tennischi mukofot jamg‘armasi 25 ming AQSh dollarini tashkil qiluvchi musobaqaning chorak finaliga yo‘l oldi, deb xabar beradi “Olamsport.com”.
Omonmurodova 2-iyul kuni turnirning ikkinchi davrasida germaniyalik tennischi Katerina Xobgarskiga qarshi kortga chiqib, 6:2, 7:6(9) hisobida zafar quchdi. Shtutgart turnirining yettinchi raketkasi sifatida qayd etilgan Oqgul bugun, 3-iyul kuni o‘tkaziladigan chorak final bahsida turnirning to‘rtinchi raqamli tennischisi shveysariyalik Romina Oprandi bilan hisob-kitob qiladi.
Eslatib o‘tamiz, Oqgul Omonmurodova ilk davrada asosiy to‘r bahslariga imtiyozli asosda qo‘yilgan mezbon tennischi Laura Shayderni 2:6, 6:2, 6:1 hisobida mag‘lub etgan edi.
Izoh (0)