Oliy liganing 15-turidan o‘rin olgan 7 ta o‘yin bilan birinchi davraga yakun yasaldi, deb xabar beradi “Olamsport.com”.
Amaldagi mamlakat chempioni Toshkentning “Paxtakor” jamoasi safarda “Andijon”ni 1:0 hisobida mag‘lub etdi. “Bunyodkor” Qo‘qonda xuddi shunday hisobdagi g‘alabaga erishdi.
“Nasaf” va “Olmaliq” jamoalari o‘z muxlislari ko‘z o‘ngida bir xil 3:0 hisobidagi g‘alabani tantana qilishdi. “Buxoro” mavsumdagi dastlabki uch ochkosini qo‘lga kiritdi. Shu tariqa, 1-davraga yakun yasaldi. To‘g‘ri, hali qoldirilgan o‘yinlar ham bor. Lekin ularning natijasidan qat’iy nazar “Paxtakor” 1-davra chempioni bo‘ldi.
“Qo‘qon-1912” (Qo‘qon) – “Bunyodkor” (Toshkent) 0:1Gol: Doston Hamdamov 77.
“Andijon” (Andijon) – “Paxtakor” (Toshkent) 0:1Gol: Stanislav Andreyev 45+2.
“Lokomotiv” (Toshkent) – “Navbahor” (Namangan) 5:1Gollar: Jasur Hasanov (katta) 9, Sanjar Shoahmedov 45, Temurxo‘ja Abduxoliqov 47, Marat Bikmayev 56, 75 – Shahboz Erkinov 65.
“Qizilqum” (Navoiy) – “Neftchi” (Farg‘ona) 0:0
“Buxoro” (Buxoro) – “So‘g‘diyona” (Jizzax) 1:0Gol: Suhrob Ne’matov 86.
“Olmaliq” (Olmaliq) – “Dinamo” (Samarqand) 3:0Gollar: Nikita Pavlenko 7, 50, Kamoliddin Murzoyev 65.
“Nasaf” (Qarshi) – “Mash’al” (Muborak) 3:0Gollar: Akram Baxriddinov 4, Bahrom Abdurahimov 27, Ilhom Shomurodov 52.
Izoh (0)