AirAsia aviakompaniyasining 2014-yil dekabrida Indoneziyada qulagan samolyoti yo‘lovchilari qarindoshlari Airbus korporatsiyasi ustidan sudga murojaat qildi. Bu haqda RBC.ru xabar bermoqda.
Shikoyatchilarning fikricha, barcha yo‘lovchilarning halok bo‘lishiga aynan Airbus aybdor. Da’voda qayd etilishicha, halokatga uchragan A320 laynerida “parvoz uchun xavfli nosozliklar bo‘lgan”.
Bundan tashqari, halok bo‘lganlarning qarindoshlari fikricha, samolyot tizimi ob-havo, shamol tezligi va laynerning muzlashi haqida aniq ma’lumotlarni bera olmagan.
Bortida 162 yo‘lovchi bo‘lgan samolyot 2014-yil 28-dekabr kuni Surabayadan Singapurga uchib ketayotganida halokatga uchragan edi. Aviahalokat sabablarini o‘rganish ishlari hali ham davom etmoqda.
Izoh (0)