WikiLeaks AQSh Milliy xavfsizlik agentligining Fransiyada sanoat josusligi bilan shug‘ullanganini tasdiqlovchi navbatdagi maxfiy hujjatlarni oshkor qildi, deya xabar bermoqda Eurointegration.com.ua.
MXAning jamoatchilikka ma’lum qilingan beshta hisobotiga ko‘ra, AQSh 2004-2012-yillar davomida fransiyalik diplomatlar va ishbilarmonlar ortidan kuzatuv o‘rnatgan. MXA Fransiya iqtisodiyotining barcha strategik sohalari – raqamli texnologiyalar, elektr, gaz, neft, atom energetikasi va boshqalarda josuslik qilgan.
Josuslik harakatlari turli yo‘llar bilan – biznes-rejalarni o‘g‘irlashdan tortib texnologiya haqidagi maxfiy axborotni noqonuniy yo‘l bilan qo‘lga kiritishgacha bo‘lgan usullar yordamida amalga oshirilgan. AQSh josuslik orqali olingan mazkur ma’lumotlarning bir qismini Buyuk Britaniya, Kanada, Avstraliya va Yangi Zelandiya bilan baham ko‘rgan.
Avvalroq WikiLeaks AQSh maxsus xizmatlari Fransiyaning yuqori martabali amaldorlarini, xususan, Fransiya prezidentlari Jak Shirak, Nikolya Sarkozi va Fransua Ollandni kuzatib borganini tasdiqlovchi maxfiy hujjatlarni oshkor qilgandi.
Izoh (0)