AirAsia авиакомпаниясининг 2014 йил декабрида Индонезияда қулаган самолёти йўловчилари қариндошлари Airbus корпорацияси устидан судга мурожаат қилди. Бу ҳақда RBC.ru хабар бермоқда.
Шикоятчиларнинг фикрича, барча йўловчиларнинг ҳалок бўлишига айнан Airbus айбдор. Даъвода қайд этилишича, ҳалокатга учраган A320 лайнерида «парвоз учун хавфли носозликлар бўлган».
Бундан ташқари, ҳалок бўлганларнинг қариндошлари фикрича, самолёт тизими об-ҳаво, шамол тезлиги ва лайнернинг музлаши ҳақида аниқ маълумотларни бера олмаган.
Бортида 162 йўловчи бўлган самолёт 2014 йил 28 декабрь куни Сурабаядан Сингапурга учиб кетаётганида ҳалокатга учраган эди. Авиаҳалокат сабабларини ўрганиш ишлари ҳали ҳам давом этмоқда.
Изоҳ (0)