Tunisning Sus shahridagi mehmonxonalarga uyushtirilgan qurolli hujum natijasida kamida 30 kishi halok bo‘ldi, 38 kishi yaralandi. Bu haqda Reuters axborot agentligi xabar bermoqda.
Hujum ikki jangari tomonidan amalga oshirilgan, ulardan biri otib o‘ldirilgan, ikkinchisi, Al Arabiya xabariga ko‘ra, qochishga uringan vaqtida qo‘lga olingan.
Mosaique FM’ning hodisa guvohlariga asoslanib xabar berishicha, jangarilar sohilga qayiqda suzib kelib, dam olayotanlarga qarata o‘t ochgan. Jangarilardan biri “Kalashnikov” avtomati va granatalar bilan qurollangan bo‘lgan.
Sputnik axborot agentligi ma’lumotlariga ko‘ra, terakt natijasida bo‘lganlar orasida besh nafar germaniyalik, to‘rt britaniyalik, uch nafar fransiyalik, shuningdek, Belgiya fuqarosi va besh tunislik bor.
Izoh (0)