AQShdagi mayda millatlar ko‘pchilik degan maqomga qarab tez sur’atlarda bormoqda, oqtanli amerikaliklar esa 2040-yillar o‘rtalariga kelib, ya’ni bir avlod davomida bunday maqomni yo‘qotishi mumkin. Bunday prognozni AQSh Ro‘yxatga olish byurosi e’lon qildi, deb yozadi “TASS”.
Mamlakatdagi mayda millatlar orasida bola tug‘ilish darajasi yuqoriligi, oqtanli aholi esa qarib borayotgani hodisaga sabab qilib keltirildi.
Chunonchi, AQShdagi besh yoshgacha bo‘lgan bolalarning 50,2 foizi mayda millatlar oilalarida tug‘ilgan. Ularda tabiiy ko‘payish o‘lim ko‘rsatkichidan uch barobar ortadi.
Oqtanli aholi orasida esa 2013-yildan 2014-yilgacha bo‘lgan davrda kamayish tug‘ilish darajasidan 62 ming kishiga o‘zib ketgan.
Agentlik tomonidan 2014-yil iyul oyi holatiga taqdim etilgan so‘nggi ma’lumotlarga ko‘ra, AQShda 197,9 million oqtanli aholi, 55,4 million Lotin Amerikasidan kelgan kishilar, 45,7 million afro-amerikaliklar, 20,3 million asli osiyoliklar, 6,5 million tub amerikaliklar hamda 1,5 million gavayilik va Tinch okeanidagi boshqa orollar vakillari yashaydi.
Izoh (0)