Sochida 25-iyun kuni kuchli yomg‘ir tufayli suv toshqini yuzaga keldi, deya xabar bermoqda Meduza. Shaharda bir yarim oylik yog‘in me’yori yog‘di, daryodagi suv sathi xavfli darajadan bir metr oshib ketdi.
Mahalliy hukumat Adler tumanida hamda Xostin tumanidagi Kudepsta qishlog‘ida favqulodda holat e’lon qildi.
Zarar ko‘rgan tumanlardan aholi evakuatsiya qilindi. O‘z uylarida qolayotgan kishilardan ko‘chaga chiqmaslik va sohilga yaqinlashmaslik so‘raldi: dengizda quyunlar paydo bo‘la boshlagan va ular quruqlikka chiqishi ham mumkin edi.
Sochi aeroporti yozgi maydon va terminal suv ostida qolgani tufayli yopildi. Ikki mingga yaqin yo‘lovchilar parvozni kutib qoldi. Vokzalni ham suv bosgani tufayli, temir yo‘ldagi harakat to‘xtatildi.
Izoh (0)