Yaqin Sharq respirator sindromi (MERS) koronavirusi qurbonlari soni 31 kishiga yetdi. Kasallikdan zararlanganlar soni 181 kishini tashkil qilmoqda, deb xabar beradi “Newskaz.ru”.
Koronavirusdan zararlanganlar soni bir kun oldinga qaraganda 1 kishiga ko‘paydi, vafot etganlar soni esa 2 kishiga ortdi. Ayni vaqtda 2,9 ming kishi karantin tartibi tavsiya qilingan.
25-iyun kuni Janubiy Koreya hukumati MERS koronavirusi tarqalishi bilan mamlakat iqtisodiyotiga yetkazilgan salbiy ta’sirlar oqibatlarini yumshatish maqsadida parlament orqali 15 trillion von (13,5 milliard dollar) miqdoridagi qo‘shimcha byudjetni tasdiqlatishni rejalashtirayotganini ma’lum qilgandi.
Kasallikning keng tarqalishi sayyohlik va transport sohalari, mehmonxona va restoran biznesiga jiddiy zarar yetkazdi.
Koronavirusga qarshi vaksina hozircha topilgani yo‘q. Yaqin Sharqda ushbu kasallikni yuqtirib olganlarning 40 foizida o‘lim holati qayd etilgan bo‘lsa, Janubiy Koreyada bu ko‘rsatkich 17 foizni tashkil qilmoqda.
Izoh (0)