Shvetsiyalik fotosuratchi Patrik Svedberg ikki yildan beri ishga boradigan yo‘lida joylashgan Vettern ko‘li yoqasidagi daraxtni suratga olib keladi. Segodnya.ua’ning xabar berishicha, Patrik daraxt ishtirokidagi suratlari internetdagi odamlarga yoqa boshlaganidan so‘ng, u o‘simlik uchun Instagram’da alohida sahifa ochgan.
Patrikning do‘stlaridan biri qayd etishicha, daraxt brokkoliga o‘xshaydi. Shundan beri brokkoli-daraxt shu qadar mashhur bo‘lib ketdiki, hozirgi vaqtda uning Instagram’dagi sahifasiga 16 ming kishi obuna bo‘lgan. Suratlar muallifining ta’kidlashicha, barcha fotosuratlar markazida har safar daraxt tursa-da, ularning har biri o‘zicha alohida olam.
“Ba’zan bu suratlarda go‘zal osmonni ko‘rasiz. Ba’zan uning atrofida 90 yoshli juftlik, ba’zan esa qush va yulduzlar sayr qiladi. Bir safar brokolli-daraxt ustidagi qutb yog‘dusini suratga olgandim, biroq hech qachon ko‘rinmaydigan narsalar ham bor. Daraxt va ko‘l shunday joylashganki, siz hech qachon daraxt ortidagi quyosh botishini tomosha qila olmaysiz”, - deydi Patrik Svedberg.
Izoh (0)