Швециялик фотосуратчи Патрик Сведберг икки йилдан бери ишга борадиган йўлида жойлашган Веттерн кўли ёқасидаги дарахтни суратга олиб келади. Сегодня.ua’нинг хабар беришича, Патрик дарахт иштирокидаги суратлари интернетдаги одамларга ёқа бошлаганидан сўнг, у ўсимлик учун Instagram’да алоҳида саҳифа очган.
Патрикнинг дўстларидан бири қайд этишича, дарахт брокколига ўхшайди. Шундан бери брокколи-дарахт шу қадар машҳур бўлиб кетдики, ҳозирги вақтда унинг Instagram’даги саҳифасига 16 минг киши обуна бўлган. Суратлар муаллифининг таъкидлашича, барча фотосуратлар марказида ҳар сафар дарахт турса-да, уларнинг ҳар бири ўзича алоҳида олам.
«Баъзан бу суратларда гўзал осмонни кўрасиз. Баъзан унинг атрофида 90 ёшли жуфтлик, баъзан эса қуш ва юлдузлар сайр қилади. Бир сафар броколли-дарахт устидаги қутб ёғдусини суратга олгандим, бироқ ҳеч қачон кўринмайдиган нарсалар ҳам бор. Дарахт ва кўл шундай жойлашганки, сиз ҳеч қачон дарахт ортидаги қуёш ботишини томоша қила олмайсиз», - дейди Патрик Сведберг.
Изоҳ (0)