Ramazon oyi kirib kelishi munosabati bilan Google kompaniyasi yangi “Ramazonda mening sherigim” nomli dastur ishlab chiqdi, deb xabar beradi “Muslim.uz”.
Google’ning Shimoliy Afrika va Yaqin Sharq bo‘yicha marketing menejeri Zayn Kamol Masrining aytishicha, ushbu dastur juda foydali bo‘lib, ma’lum bir hududiy ma’lumotlar, maslahatlar va boshqa kerakli dasturlarni o‘z ichiga olgan.
Bundan tashqari, foydalanuvchi turgan joyida quyosh qay payt botishini bilishi, shunga binoan vaqtini rejalashtirishi, yo‘llardagi holatlar haqida ma’lumot olishi, eng yaqin atrofdagi iftorlik haqida bilishi, halol retseptlarni olib ularni boshqalar bilan bo‘lishishi, Ramazonga atalgan turli videorolik va ma’ruzalarni YouTube’da ko‘rishi mumkin.
Shu bilan birga dasturda Ramazon oyi bilan qutlov otkritkalarini yasash o‘rgatiladi, saharlikka uyg‘otuvchi budilnik va halol restoranlar qidiruv tizimi ham bor.
Izoh (0)