Google professional va havaskor jurnalistlar, shuningdek, o‘z ommaviy axborot vositasini tashkil etishga intilayotgan tadbirkorlarga mo‘ljallangan News Lab xizmatini ishga tushirdi. Korporatsiya rasmiy blogida ma’lum qilinishicha, servis hozircha faqat ingliz tilida ishlaydi.
News Lab uchta asosiy – mavzu va faktlarni izlash bo‘yicha asosiy vositalardan iborat Tools, u yoki bu mavzu bo‘yicha qidiruv so‘rovlari va qiziqishlar oqimini tahlil qilib boruvchi Google Trends hamda jahon bo‘ylab axborot resurslariga havolalarni taqdim etuvchi Programs bloklaridan iborat.
News Lab xizmati Google’ning fuqarolik jurnalistikasini rivojlantirish bo‘yicha loyihalariga integratsiya qilinadi. Xususan, servis doirasida YouTube Newswire xizmatidan foydalanish mumkin bo‘ladi. 18-iyun kuni ishga tushgan mazkur xizmat professional muxbirlarga havaskorlar tomonidan suratga olingan va YouTube jamoasi tomonidan haqiqiyligi tekshirilgan videodan foydalanish imkonini beradi.
Izoh (0)