Janubiy Koreyaning LG kompaniyasi o‘zining yangi flagman smartfoni – G4’ni taqdim etdi. Bu haqda hi-tech.mail.ru xabar bermoqda.
LG’ning ma’lum qilishicha, kompaniya “jahondagi eng uzun selfi ketma-ketligi” bo‘yicha – ya’ni, bir smartfon, ayni holatda – LG G4 smartfoni yordamida olingan selfilar soniga ko‘ra jahon rekordini o‘rnatgan. Rekordni o‘rnatishda Mexikodagi 2,5 mingdan ortiq odam ishtirok etdi, buning uchun ikki soat vaqt kerak bo‘ldi.
Tadbir davomida 736ta yakka va jamoaviy bo‘lib tushilgan selfilar olindi. Shunday qilib, koreys kompaniyasi o‘tgan oy AQShda o‘rnatilgan rekordni urdi – o‘shanda “atigi” 531ta selfi olingandi. LG vakillarining ma’lum qilishicha, qurilma yordamida o‘rtacha har 10 soniyada selfi olingan, rekord shartiga ko‘ra, ushbu jarayon davomida qurilma qayta quvvatlantirilmasligi kerak edi.
“Rekord o‘rnatilganidan keyin ham LG G4’ning hali ancha quvvati bor edi, biroq bizda suratga olish uchun odam qolmadi”, - deydi kompaniya vakili.
Izoh (0)