O‘zbekistonda ikkinchi avlod Motorola Moto G (2 generation) smartfoni savdolari boshlandi. Mobinfo.uz’ning xabar berishicha, qurilmaning xalqaro taqdimoti 2015-yil sentabrida bo‘lib o‘tadi.
Moto G dizayni ko‘p jihatdan birinchi avlod smartfoni chizgilarini takrorlasa-da, o‘lchamlari biroz kattaroq. Texnik tomondan esa qurilma 5 dyuymgacha kattalashgan IPS displey bilan ta’minlangan.
Qurilmada 1,2 gigagersli Snapdragon 400 protsessori, 1 gigabaytli operativ xotira bilan ta’minlangan, shuningdek, smartfon 16 gigabaytli flesh-xotiraga ega.
Birinchi avlod Moto G smartfonidan farqli ravishda yangi qurilma microSD formatidagi xotira kartalarini o‘rnatish uchun maxsus slot bilan ta’minlangan. Smartfon orqa tomonidan 8 megapikselli, old tomonida esa 2 megapikselli kamera bor.
Shuningdek, qurilmaning old tomonida ikki karnay (dinamika) ham bor. Smartfon akkumlyatori quvvati 2700 mA/s ga teng. Ikkinchi avlod Moto G smartfoni Android 4.4.4 KitKat operatsion tizimida ishlaydi.
Moto G (2 generation) smartfonining chakana narxi O‘zbekistonda 1,1 million so‘mni tashkil etmoqda.
Izoh (0)