Google профессионал ва ҳаваскор журналистлар, шунингдек, ўз оммавий ахборот воситасини ташкил этишга интилаётган тадбиркорларга мўлжалланган News Lab хизматини ишга туширди. Корпорация расмий блогида маълум қилинишича, сервис ҳозирча фақат инглиз тилида ишлайди.
News Lab учта асосий – мавзу ва фактларни излаш бўйича асосий воситалардан иборат Tools, у ёки бу мавзу бўйича қидирув сўровлари ва қизиқишлар оқимини таҳлил қилиб борувчи Google Trends ҳамда жаҳон бўйлаб ахборот ресурсларига ҳаволаларни тақдим этувчи Programs блокларидан иборат.
News Lab хизмати Google’нинг фуқаролик журналистикасини ривожлантириш бўйича лойиҳаларига интеграция қилинади. Хусусан, сервис доирасида YouTube Newswire хизматидан фойдаланиш мумкин бўлади. 18 июнь куни ишга тушган мазкур хизмат профессионал мухбирларга ҳаваскорлар томонидан суратга олинган ва YouTube жамоаси томонидан ҳақиқийлиги текширилган видеодан фойдаланиш имконини беради.
Изоҳ (0)