Жанубий Кореянинг LG компанияси ўзининг янги флагман смартфони – G4’ни тақдим этди. Бу ҳақда hi-tech.mail.ru хабар бермоқда.
LG’нинг маълум қилишича, компания «жаҳондаги энг узун селфи кетма-кетлиги» бўйича – яъни, бир смартфон, айни ҳолатда – LG G4 смартфони ёрдамида олинган селфилар сонига кўра жаҳон рекордини ўрнатган. Рекордни ўрнатишда Мехикодаги 2,5 мингдан ортиқ одам иштирок этди, бунинг учун икки соат вақт керак бўлди.
Тадбир давомида 736та якка ва жамоавий бўлиб тушилган селфилар олинди. Шундай қилиб, корейс компанияси ўтган ой АҚШда ўрнатилган рекордни урди – ўшанда «атиги» 531та селфи олинганди. LG вакилларининг маълум қилишича, қурилма ёрдамида ўртача ҳар 10 сонияда селфи олинган, рекорд шартига кўра, ушбу жараён давомида қурилма қайта қувватлантирилмаслиги керак эди.
«Рекорд ўрнатилганидан кейин ҳам LG G4’нинг ҳали анча қуввати бор эди, бироқ бизда суратга олиш учун одам қолмади», - дейди компания вакили.
Изоҳ (0)