Koreya Respublikasi Yaqin Sharq respirator sindromi (MERS) koronavirusi avj olishiga qarshi mustaqil ravishda kurasha oladi. Bu haqda rejalashtirish va moliya vaziri, shuningdek bosh vazir vazifasini bajaruvchi Choy Gyon Xvan chet ellik diplomat va biznesmenlar bilan uchrashuvda aytib o‘tdi, deb yozadi “TASS”.
“Tibbiyotning yuqori darajada rivojlangani va ushbu sektor ishchilarining chuqur bilimga egaligini hisobga olib, virusning ushbu avji to‘xtatilishiga hech qanday shubha yo‘q”, — dedi u respublika avval ham og‘ir o‘tkir respirator sindromi va cho‘chqa grippi epidemiyalari bilan muvaffaqiyatli kurashganini eslatar ekan.
Choy Gyon Xvan so‘zlariga ko‘ra, hukumat virus tarqalishi oldini olish uchun qo‘ldan kelgancha harakat qilmoqda va bu borada muvaffaqiyatga ham erishmoqda. Jumladan, MERS koronavirusiga chalinganlar bilan aloqada bo‘lgan va ayni paytda uy karantinidagi kishilar soni qisqarmoqda — hozirda ularning soni 3680 kishi bo‘lib, bu 9-iyundagidan 220 kishiga kamdir.
Izoh (0)