11-iyun kuni Madridda ispan yozuvchisi Migel de Servantesga tegishli deb taxmin etilayotgan jasad rasman dafn qilindi, deya xabar bermoqda Associated Press. Marosimda shahar meri Ana Botelya ham qatnashdi.
Servantes va uning rafiqasi Katalina de Salazarniki deya gumon qilingan skeletlar 2015-yil martida trinitariylar ordeni ayollar monastirida topilgan edi.
Servantes dafn etilgan joy dastlab aniq bo‘lgan, biroq 1673-yilda monastir rekonstruksiya qilingach, uning qabri yo‘qolib qolgan. Qidiruv ishlari bir yilga yaqin davom etgan.
Ikkala skelet ham yaxshi saqlanmagan bo‘lsa-da, ba’zi belgilar, jumladan Servantes harbiy xizmatda olgan shikastlanishlar olimlarga aynan yozuvchi va uning xotiniga tegishli jasadlar topilganini e’lon qilishga turtki berdi.
Izoh (0)