Qoraqalpog‘iston Respublikasining Qorao‘zak tumanida zamonaviy madaniyat va aholi dam olish markazi foydalanishga topshirildi. Bu haqda O‘zA xabar bermoqda.
Vazirlar Mahkamasining 2013-yil 25-iyundagi “2013-2018-yillarda zamonaviy madaniyat va aholi dam olish markazlarini tashkil etish chora-tadbirlari to‘g‘risida”gi qarori ijrosi doirasida “Madaniyat” ovul fuqarolar yig‘ini hududida barpo etilgan ushbu maskandagi qurilish ishlari “Qorao‘zakqurilish” kompaniyasi quruvchilari tomonidan amalga oshirildi.
Bu yerda dutorchi qizlar hamda boshqa ashula va raqs ansambllari tashkil etildi. Xoreografiya, tasviriy san’at, “Chevar qo‘llar” to‘garaklari, ma’naviyat va ma’rifat xonalari zamonaviy tarzda jihozlandi.
“Markazda spektakl va konsert dasturlari namoyish etish uchun barcha sharoit yaratilgan”, - deydi markaz direktori Gulimxon Jumanazarova.
Izoh (0)