Қораўзакда маданият ва аҳоли дам олиш маркази фойдаланишга топширилди

Қорақалпоғистон Республикасининг Қораўзак туманида замонавий маданият ва аҳоли дам олиш маркази фойдаланишга топширилди. Бу ҳақда ЎзА хабар бермоқда.

Вазирлар Маҳкамасининг 2013 йил 25 июндаги «2013-2018 йилларда замонавий маданият ва аҳоли дам олиш марказларини ташкил этиш чора-тадбирлари тўғрисида»ги қарори ижроси доирасида «Маданият» овул фуқаролар йиғини ҳудудида барпо этилган ушбу маскандаги қурилиш ишлари «Қораўзакқурилиш» компанияси қурувчилари томонидан амалга оширилди.

Бу ерда дуторчи қизлар ҳамда бошқа ашула ва рақс ансамбллари ташкил этилди. Хореография, тасвирий санъат, «Чевар қўллар» тўгараклари, маънавият ва маърифат хоналари замонавий тарзда жиҳозланди.

«Марказда спектакл ва концерт дастурлари намойиш этиш учун барча шароит яратилган», - дейди марказ директори Гулимхон Жуманазарова.