O‘zbekiston Tashqi iqtisodiy aloqalar, investitsiyalar va savdo vazirligida 8-iyun kuni Islom hamkorlik tashkiloti (IHT) bosh kotibi Iyad Amin Madaniy boshchiligidagi delegatsiya bilan uchrashuv bo‘lib o‘tdi. Bu haqda vazirlik matbuot xizmati xabar bermoqda.
Uchrashuv chog‘ida tomonlar IHT va O‘zbekiston o‘rtasidagi mavjud amaliy hamkorlik va uni mustahkamlash, shuningdek, IHTga a’zo davlatlar bilan savdo-iqtisodiy, investitsiyaviy va moliyaviy hamkorlik aloqalarini kengaytirish istiqbollarini muhokama qildi..
Suhbat chog‘ida IHTga a’zo davlatlar Tashqi ishlar vazirlari kengashida O‘zbekistonning 2016-yildagi raisligi hamda Kengashning Toshkent shahridagi navbatdagi yig‘ilishiga tayyorgarlik va uni o‘tkazish bog‘liq masalalarga alohida e’tibor qaratildi.
Avvalroq Madaniyni O‘zbekiston Prezidenti Islom Karimov Oqsaroyda qabul qilgani, uchrashuv chog‘ida tomonlarni qiziqtirgan masalalar yuzasidan fikr almashilgani haqida xabar berilgan edi.
Izoh (0)