O‘zbekistonning eng yirik banklaridan biri “Asakabank” Janubiy Koreyaning Eksimbanki, Korea Exchange Bank va SMBC bankining Seul bo‘limi bilan umumiy qiymati 695 million dollar bo‘lgan moliyaviy hujjatlarn imzoladi. Bu haqda UzReport xabar bermoqda.
Seul shahrida may oyi oxirida bo‘lib o‘tgan O‘zbek-koreys biznes forumi doirasida Koreya Eksimbanki bilan koreys kompaniyalari ishtirokida investitsion loyihalarni uzoq muddatli moliyalashtirish uchun 25 million AQSH dollari miqdoridagi qo‘shimcha kelishuv va 500 million dollar miqdoridagi kelishuv imzolandi.
Shuningdek, Korea Exchange Bank bilan 100 million dollar va SMBC bankining Seul bo‘limi bilan tovarlar va xizmatlarni yetkazib berish amaliyotlarini amalga oshirishga imkon yaratuvchi, 70 million dollar miqdorida anglashuv Memorandumiga qo‘shimcha kelishuv imzolandi.
“Mazkur mablag‘lar koreys kompaniyalari ishtirokidagi investitsion loyihalarni moliylashtirishga yo‘naltiriladi”, - deyiladi bank matbuot xizmati xabarida.
Izoh (0)